| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 58.6 | Dem. 58.8 (English) | >>Dem. 58.12 |
58.7καὶ τοῦτο ἀποδείξω σαφῶς , ὡς ἐγὼ νομίζω . καίτοι Θεοκρίνης γε , ὦ ἄνδρες δικασταί , καὶ οἱ μετὰ τούτου οὐδὲν ὅ τι οὐ πεποιήκασι προσιόντες τοῖς μάρτυσι καὶ τὰ μὲν ἀπειλοῦντες αὐτοῖς , τὰ δὲ πείθοντες μὴ μαρτυρεῖν . ἀλλʼ ὅμως ἐὰν ὑμεῖς βούλησθε τὰ δίκαια βοηθεῖν μοι , καὶ κελεύητε αὐτούς , μᾶλλον δὲ ἀναγκάζοντος ἐμοῦ συναναγκάζητε , ἤτοι μαρτυρεῖν ἢ ἐξόμνυσθαι , καὶ μὴ ἐᾶτε λόγους λέγειν , εὑρεθήσεται τἀληθές . λέγε οὖν πρῶτον μὲν τὴν φάσιν , εἶτα τὰς μαρτυρίας .ταύτην τὴν φάσιν , ὦ ἄνδρες δικασταί , ἔδωκεν μὲν οὑτοσὶ προσκαλεσάμενος τὸν Μίκωνα , ἔλαβεν δὲ ὁ γραμματεὺς ὁ τῶν τοῦ ἐμπορίου ἐπιμελητῶν , Εὐθύφημος . ἐξέκειτο δὲ πολὺν χρόνον ἔμπροσθεν τοῦ συνεδρίου ἡ φάσις , ἕως λαβὼν ἀργύριον οὗτος εἴασε διαγραφῆναι καλούντων αὐτὸν εἰς τὴν ἀνάκρισιν τῶν ἀρχόντων . ὅτι δὲ ταῦτʼ ἀληθῆ λέγω , πρῶτον μὲν κάλει ὃς ἐγραμμάτευε τῇ ἀρχῇ , Εὐθύφημον .λέγε δὴ καὶ τὴν τῶν ἰδόντων ἐκκειμένην τὴν φάσιν μαρτυρίαν . λέγε .ὡς μὲν τοίνυν , ὦ ἄνδρες δικασταί , ἔφηνε Θεοκρίνης τὸ τοῦ Μίκωνος πλοῖον , καὶ ὡς ἐξέκειτο πολὺν χρόνον ἡ φάσις , καὶ ὡς εἰς τὴν ἀνάκρισιν καλούμενος οὐχ ὑπήκουσεν οὐδʼ ἐπεξῆλθεν , ἀκηκόατε μαρτυρούντων τούτων οὓς εἰδέναι μάλιστα προσήκει . ὅτι δʼ οὐ ταῖς χιλίαις μόνον ἔνοχός ἐστιν , ἀλλὰ καὶ ἀπαγωγῇ καὶ τοῖς ἄλλοις ὅσα κελεύει πάσχειν ὁ νόμος οὑτοσὶ τὸν συκοφαντοῦντα τοὺς ἐμπόρους καὶ τοὺς ναυκλήρους , ῥᾳδίως ἐξ αὐτοῦ τοῦ νόμου γνώσεσθε .
Φάσις
58.8
Μαρτυρία
58.9
Μαρτυρία
Μαρτυρίαι
58.10
| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 58.6 | Dem. 58.8 (English) | >>Dem. 58.12 |
